Ըստ ՀՀ կենտրոնական բանկի տվյալների 2025թ․-ի սեպտեմբերի դրությամբ ներդրումային ընկերությունների հաշվեկշռային ընդհանուր ակտիվները կազմել են 285,331.6 մլն դրամ։ Այս մասին հայտնում է B24.am-ը։ Աղբյուրի համաձայն՝ 2024 թ. համադրելի ցուցանիշի համեմատ արձանագրվել է 26.1%-ով աճ։
Ըստ հաշվետվության՝ ընդհանուր պարտավորությունները կազմել են 190,302.5 մլն. դրամ, ինչը 2024 թ. համադրելի ցուցանիշի համեմատ ավելին է 16.4%-ով։ Հաշվեկշռային ընդհանուր կապիտալը կազմել է 95,029.1 մլն. դրամ։ 2024 թ. համադրելի ցուցանիշի համեմատ արձանագրվել է 51.5%-ով աճ։
Կուտակված շահույթը կազմել է 80,928.7 մլն. դրամ։ 2024թ.-ի համադրելի ցուցանիշի համեմատ շահույթի աճը կազմել է 57.6%։
